کۆمپانیای ئەمەزۆن کە بارەگای سەرەکی لە ویلایەتە یەکگرتووەکانی ئەمریکایە بە ڕەسمی ڕایگەیاند، لەمەوداو دۆمەینی Amazon.sa چالاک دەبێت و هاوڵاتیانی ئەو وڵاتە دەتوانن کاڵاکانیان بکڕن.
کۆمپانیاکە دەیەوێت بەم هەنگاوەی داخڵی بازاڕی ئۆنلاینی کەندواو و ڵاتانی عەرەبی ببێت، هەروەها ماڵپەر و ئەپەکەشی بە زمانی عەرەبی بەردەستن.
٣ سەنتەری گەورەی کاڵاکان هەروەها ١١ سەنتەری دیکەی گرنگ ئامادەکراون بۆ گەیاندنی داواکاری کڕیاران لە وڵاتی سعودییەی عەرەبی.
ئەمازۆن لە ساڵی ١٩٩٤ لەلایەن جیف بیزۆس دامەزراوە. کۆمپانیاکە ماڵپەڕێکی ھەیە بۆ فرۆشتن. لە ئەمازۆن ئامێرە کارەبایی و جل و بەرگ و مۆبایل و کۆمپیوتەر و فیلم و گۆرانی و ئامێری وەرزشی و چەندەھا کەل و پەلی جۆراوجۆر و ھەمەچەشن دەفرۆشرێن، کڕیاران دەتوانن لە ڕێگای ھەژماری بانکی کەل و پەلەکان بکڕن.
سەرچاوە: tech-wd
