بەهۆی کەلێنێکی سکیوریتی گۆودادییەوە داتای یەک ملیۆن بەکارهێنەری ۆردپرێس بڵاوبۆوە

کۆمپانیای گەورەی بواری هۆستکردنی وێبسایت "گۆودادی/ GoDaddy" ڕاگەیاند کە ڕووبەڕووی هێرشێکی گەورەی دزەپێکردنی داتا بۆتەوە، کە بۆتە هۆی بڵاوکردنەوەی داتای ١.٢ ملیۆن بەکارهێنەری چالاک و ناچالاک. ئەمە سێیەم ڕووداوی گەورەی دزپێکردنی داتایە کە لە ٢٠١٨ەوە بەسەر گۆودادییدا ڕوودەدات.

هەر لە درێژەی ڕاگەیاندراوەکەدا ئاشکرایانکرد کە لە ڕۆژی ١٧ی ١١دا بە دزەپێکردنەکەیان زانییوە و هێشتا لێکۆڵینەوەکان بەردەوامە دەربارەی چۆنیەتی ڕوودانی دزەپێکردنەکە و ڕاستەوخۆ پەیوەندییان بە هەموو بەکارهێنەرە زیانلێکەوتووەکانەوە کردووە و زانیاری پێویستیان پێداون.

ئەو زانیارییانەی بەکارهێنەران کە بڵاوبوونەتەوە:

• ئیمەیڵ و ژمارەی بەکارهێنەری ١.٢ ملیۆن بەکارهێنەر.
• تێپەڕەوشەی ڕەسەنی ئادمینی وێبسایتەکان.
• تێپەڕە وشە و ناوی بەکارهێنەری داتابەیسەکان لەگەڵ sFTP کە بۆ بەرزکردنەوەی داتاکان بەکاردێت.
• کلیلی نهێنی SSLی بەشێک لە بەکارهێنەرە چالاکەکان.