دیسکۆرد کۆمپانیایەکی نوێی کڕیەوە بە ناوی Sentropy کە ئەم کۆمپانیایە بەرنامەی پشت بەستوو بە زیرەکی دەستکرد درووستدەکات بۆ ناسینەوە و دیاریکردنی گێچەڵ و بێزارکردنی سەرهێڵ، چاودێری تۆڕە سەرهێڵەکان دەکات بۆ دۆزینەوەیان و دواتریش ڕێگەیەک پێشنیار دەکات بۆ بلۆک کردنی خەڵکە سەر بەکێشەکان و فلتەرکردنی ئەو نامانەی کە پێویست ناکات ببینرێن.
لە ئێستادا کۆمپانیاکە ئامڕازە تایبەتەکانی خۆی دائەخات و پەیوەندی ئەکات بە دیسکۆردەوە، کە ئامانجی سەرەکییان بریتییە لە گەشەپێدان و فراوانکردنی دیسکۆرد لە ڕووی متمانە و پارێزگارییەوە.
ئەو ئامرازانەی کە Sentropy درووستی کردوون دەکرێت یامەتی هەردوو گرووپەکە بدات بۆ باشتر چاودێری کردنی ڕەفتارە خراپەکان لەناو سێرڤەرەکانی دیسکۆرددا.
دیسکۆرد ئەم خاوەنداریەتیە بەکاردەهێنێت بۆ فراوانکردنی تواناکانی لە ناسینەوە و ڕەشکردنەوەی بابەتە خراپەکان و فراوانکردنی تیمی پارێزگاریکردنەکەی، وتەبێژی کۆمپانیاکە ئاماژەی بەوە کردووە کە متمانە و پارێزگاری یەکێک لە ئامانجە گرنگەکانی دیسکۆردە.
