2022-08-29 - 11:15

مایکرۆسۆفت ئاژوور چییە؟

ئاژوور بریتییە لە پلاتفۆرمێکی کڵاود کە زیاتر لە ٢٠٠ بەرهەم و خزمەتگوزاریی جیاواز پێشکەش بە بەکارهێنەرانی دەکات. بەکارهێنەران دەتوانن ئاژوور بەکاربێنن بۆ هەڵگرتنی سەرچاوەکانی وەک ئیمەیڵ، نێتۆڕکین، ستۆرج، داتا، سۆفتوێر و بەرنامە، بەڕێوەبردن و پڕۆسێسکردنی داتا، لێکدانەوە و شیکردنەوە داتا. واتە دەتوانن هەموو ئەو کار و پڕۆژەیەک بەڕێوەبەرن بێ ئەوەی خۆیان خاوەنی سێرڤەر و هاردوێری بەهێزبن.

مایکرۆسۆفت ئاژوور هەموو جۆرو ئاستەکانی کڵاود دابیندەکات. هەر لە دابینکردنی ژێرخانی ئەلیکترۆنی کە پێی دەوترێ  IaaS تاوەکو دابینکردنی ژینگە و سۆفتوێرەکان کە بریتین لە SaaS و PaaS:

• جۆری یەکەم بریتییە لە Infrastructure-as-a-Service (IaaS): بە کوردی دەتوانین ناوی بنێین دابینکردنی ژێرخانی ئەلیکترۆنی، لە ئایاسدا تۆ پارەدەدەیت بۆ بەکارهێنانی سێرڤەر، ڤیرچواڵ مەشین، ستۆرج و نێتۆڕک. واتە لەم جۆرەدا تەنها دوو چینی خوارەوە دابین دەکرێن ئەوانیش هاردوێر و ڤێرچواڵیزەیشنن.


• جۆری دووەم بریتییە لە Platform-as-a-Service (PaaS): بە کوردی دەتوانین ناوی بنێین دابینکردنی ژینگەی گەشەپێدان، لە پاسدا تۆ پارەدەدەیت بۆ بەکارهێنانی  ژینگەیەکی تەواوی دامەزراندن و خستنەکاری بەرنامەکان واتە بەکارهێنەر تەنها خەم کە سۆفتوێر و داتاکان دەخوات و چوار چینەکەی تر کڵاودەکە دابینی دەکات.


• جۆری سێیەم بریتییە لە Software-as-a-Service (SaaS): بە کوردی دەتوانین ناوی بنێین دابینکردنی سۆفتوێر و بەرنامە. لە ساسدا تۆ مانگانە پارەی بەکارهێنانی سۆفتوێرێکی دیاریکراو دەدەیت وەک بەرنامەکانی مایکرۆسۆفت ئۆفیس لە ناو مایکرۆسۆفت ٣٦٥دا. واتە لەم جۆرەدا تۆ خەم لە هیچ ناخۆیت دێیت کارەکانی خۆت دەکەیت و تەواو، كڵاود هەموو شتەکانت بۆ دابیندەکات.

ئەم بڵۆگە تەنها تایبەتە بە مایکرۆسۆفت ئاژوور، بۆ ئەوەی بە گشتی بزانن کڵاود چییە و جۆرەکانی چییە بە وردی، دەتوانن خوێنەری ئەم بڵۆگە بن دەربارەی کڵاود و ژێرخانی ناوخۆیی.


پرسیارە باوەکان لە بارەی مایکرۆسۆفت ئاژوورەوە:

• ئایە ئاژوور پارێزراوە؟ بەڵێ، یەکێک لە تایبەتمەندییە بنچینەییەکانی ئاژوور بریتیە لە سیکیوریتی و پارێزراوی. هەروەها هەموو پڕۆسەکان لە ئاژووردا شەفافن و لە ژێر ستانداردە نێودەوڵەتیەکان کار دەکات.
• ئاژوور یارمەتیم دەدات لە باشترکردنی بەشی ئای تی دامەزراوەکەمدا؟ بەڵێ، زۆربەی بەڕێوەبەرە ئای تییەکان لە جیهاندا ئاژوور بەکاردێنن بۆ دامەزراندن و بەڕێوەبردنی ئەو سیستەمانەی بەکاریدێنن.
• ئایە ئاژوور تەنها بۆ دامەزراوەی گەورە دەبێت؟ نەخێر، ئاژوور بۆ هەموو جۆرە دامەزراوە و بزنسێکی بچووک و مامناوەند و گەورە گونجاوە.
• ئایە ئاژوور تەنها بۆ خزمەتگوزاری و بەرنامەکانی ویندۆز و مایکرۆسۆفت بەکاردێت؟ نەخێر، ئاژوور پشتگیری هەموو تەکنەلۆژیا مۆدێرنەکان دەکات وەک سیستەمەکانی ئۆراکل، هەروەها بە سەرچاوە کراوەکانیشەوە وەکو لینوکس. کەواتە دەتوانیت لە ئاژووردا ئەو تەکنەلۆژیا و ئامڕازە بەکاربهێنیت کە گونجاوە بۆت و خۆت بەدڵتە. دەتوانیت بە شێوەیەکی ڤیرچواڵی هەر ئەپڵیکەیشنێک، سیستەمێکی وەگەڕخەر، یان ئامێرێک لە ئاژووردا بەکاربهێنیت.
• ئایە ئاژوور پارەم بۆ دەگەڕێنێتەوە؟ بەڵێ، لە ئاژووردا تێچوو بە پێی بەکارهێنانە واتە تەنها پارەی ئەو شتە دەدەیت کە بەکاریدێنیت. لە ئاژووردا چەندەها ڕێگە و شێوازی پارەدان هەیە بۆیە دەتوانیت ئەوە بەکاربهێنیت کە بۆت گونجاوە.
• ئاژوور بەراورد بە کڵاودەکانی تر؟ ئاژوور تاکە کڵاودی هایبردە، کە چەندەها چینی سیکیوریتی هەیە و زۆرترین ژمارەی داتا سەنتەری هەیە لە جیهاندا کە ژمارەیان زیاتر لە ٢٠٠ داتاسەنتەر. لێرەوە دەتوانن بە شێوەی 3D داتاسەنتەرەکانی ئاژوور ببینن لە سەرتاسەری جیهاندا. بۆ نموونە ئەگەر بتەوێت لەسەر كڵاودی ئەمازۆن AWS ویندۆز سێرڤەر و ئێس کیو ئێڵ سێرڤەر بەکاربهێنیت ئەوا تێچووەکەی ٥ ئەوەندەی ئاژوور دەبێت.
• ئایە ئاژوور بۆ بوار و پیشەسازییەکەی من گونجاوە؟ بەڵێ، خزمەتگوزارییەکانی ئاژوور بۆ هەموو جۆرە پیشەسازیی و بوارەکان دەگونجێت لە ڕێگەی کۆکردنەوەی بەرهەم و خزمەتگوزارییە جیاوازەکانەوە لە یەک شوێندا.
• ئایە خزمەتگوزارییەکانم دەوەستن ئەگەر بەکارهێنەریان زۆر بێت؟ ئەمە ئەگەری ڕوودانی زۆر کەمە چونکە بە هۆی توانای لاستیکی ئاژوورەوە بە شێوەیەکی خۆکار خزمەتگوزارییەکەت بە پێی بەکارهێنان فراوان دەبێت یان بچووک دەبێتەوە.

   

دیارترین خزمەتگوزارییەکانی مایکرۆسۆفت ئاژوور:

• هۆستکردنی وێبسایت و وێب ئەپڵیکەیشن وە سەپۆرتی هەریەک لە زمانەکانی PHP، Node.js، Python، ASP.net دەکات.
• هۆستکردنی ئەپڵیکەیشنی مۆبایل بۆ هەردوو سیستەمی وەگەڕخەری ئەندرۆید و ئای ئۆ ئێس.
• هۆست کردنی داتابەیسەکانی Oracle، SQL Server، MySQL.
• بەکارهێنانی Azure Active Directory بۆ ناسینەوەی ناسنامە و پێدانی دەسەڵات بە بەکارهێنەران بۆ دەستگەیشتن بە سەرچاوە و خزمەتگوزارییە جیاوازەکان.
• دورستکردنی ڤیرچواڵ مەشین. بە هەریەک لە سیستەمە وەگەڕخەرەکانی ویندۆز و لینوکس.
• هۆستکردنی فایل سێرڤەر.
• دانانی ستۆرج بۆ باکئەپ و هەڵگرتنی فایل.
• دانانی ستریمینگ بە دەنگ و ڕەنگ Media Streaming
• دانانی کاش سێرڤەر.
• دانانی ڤیرچواڵ نێتۆرک و VPN بەستنەوەی بە سێرڤەری ناوخۆی و دروست کردنی ژینگەی Hybrid واتە سێرڤەرەکان هەندێکیان لە ناوخۆ دەبێت و هەندێکیان لە کڵاودی مایکرۆسۆفت.
• توانای دیڤلۆپکردن لە کڵاودا بە بەکارهێنانی Visual Studio Online
• بەکارهێنانی ئاژوور ترافیک مانجەر بۆ کۆنتڕۆڵکردنی هەموو ئەوە رکوێست و سەردانکەرانەی دێنە وێبسایتەکەت.

هەر خزمەتگوزارییەکی مایکرۆسۆفت ئاژوورت پێویست بوو، دەبێ بێیتە ئاڤێستا چونکە ئێمە شارەزای ئاژوورین. ئاڤێستا وەک هاوبەشی فەڕمی مایکرۆسۆفت لە عێراق خاوەنی پسپۆڕییە لە كڵاودی مایکرۆسۆفت ئاژوور. 

بڕوانامە فەڕمیەکانی تیمەکەمان لە لایەن مایکرۆسۆفتەوە تایبەت بە مایکرۆسۆفت ئاژوور: