ویندۆز بەناوبانگترین سیستەمی وەگەڕخەرە بۆ کۆمپیوتەر لە جیهاندا، بێگوومان هەرکەسێک تۆزێ سەری لەگەڵ تەکنەلۆجیادا گەرم کردبێت گەر بەکاریشی نەهێنابێت ناوەکەی بیستووە. بەهۆی ئەوەی ویندۆز بە چەند جۆر و وەشانێکی جیاواز بەردەستە لەوانەیە هەندێک لە بەکارهێنەرەکان دوودڵ بن لەوەی ئاخۆ کام جۆری ویندۆز ١٠ یان ١١ بۆ ئەوان گونجاوە، بۆیە لەم وتارەدا باسی جۆرەکانی ویندۆز و چۆنێتی بەدەستهێنانیان دەکەین لەپاڵ ئاماژەکردن بە جۆرە باو و نایاساییەکانی بەدەستهێنانی ویندۆزدا.
چەند جۆری ویندۆز بوونی هەیە؟
Windows 10 Home یان Windows 11 Home گونجاوە بۆ کەسانی ئاسایی و ئەو بەکارهێنەرانەی پێویستیان بە تایبەندمەندی پێشکەوتوو نییە، بۆ ئەو بەکار‌هێنەرانە گونجاوە کە سیستەمەکەیان بۆ گەڕانی ئینتەرنێت و بەکارهێنانی ئیمەیڵ و ئەرکە سادەکانی تر بەکاردێنن.
Windows 10 Pro یان Windows 11 Pro گونجاوە بۆ ئەو بەکارهێنەرانەی کە پێویستە هەنێک ئەرکی ئاڵۆزتر لەسەر سیستەمەکانیان ڕاپەڕێنن، لەوانەیە بەڕێوەبردنی بازرگانییەکەی بێت یان هەر شتێکی تر، بۆیە ویندۆزی پڕۆ بە سیکیوریتییەکی زیاترەوە بژاردەیەکی باش دەبێت بۆیان.
Windows 10 Enterprise یان Windows 11 Enterprise گونجاوە بۆ بەڕێوەبردنی بزنس و دامەزراوە گەورەکان بە تایبەت ئەو شوێنانەی کە ژمارەیەکی زۆر بەکاهێنەریان هەیە، زۆرترین تایبەتمەندی بۆ ڕێکسختن و بەڕێوەبردنی پڕۆژەکان لە خۆدەگرێت.
ڕێگاکانی بەدەستهێنانی
ویندۆزی ئەسڵی کامانەن؟
OEM ئەم ڕێگایە بۆ ئەو لاپتۆپ و ئامێرانەیە کە تازەن و بەکارنەهاتوون، واتە کاتێک تۆ لاپتۆپێک دەکڕیت لەلایەن کۆمپانیای دابینکەرەکەوە ویندۆزی لەسەر دامەزراوە، ئەم جۆرە ویندۆزە لەسەر ئەو ئامێرە دەست بە ژیان دەکات و دەمرێت واتە ناتوانیت هەمان ویندۆز لەسەر ئامێرێکی تر دابمەزرێنیتەوە. تەنها ویندۆزی Home و Pro بەم ڕێگایە بەردەستن.
ماڵپەڕی سەرەکی مایکرۆسۆفت یەکێکی تر لە ڕێگاکانی بەدەستهێنانی ویندۆز لەڕێگەی ماڵپەڕی فەرمی کۆمپانیای مایکرۆسۆفت خۆیەوەیە، لێرەش بە هەمان شێوە تەنها ویندۆزی Home و Pro بەردەستە. دەتوانن لە فرۆشگای ئۆنڵاینی ئاڤێستاش وەک هاوبەشێکی فەڕمی مایکرۆسۆفت، بە شێوەیەکی ئۆنڵاین ویندۆزی پڕۆ و هۆم بکڕن. لێرەوە سەردانی ئاڤێستا ستۆر بکەن.
Volume Licensing Agreement ئەم ڕێگایە تەنها لە ڕێگە هاوبەشە فەڕمییەکانی مایکرۆسۆفتەوە وەک ئاڤێستا بەردەستە، ئەم ڕێگەیە بۆ کۆمپانیا و دامەزراوە گەورە و بچووکەکان گونجاوە کاتێک پێویستە ژمارەیەکی زۆر License مۆڵەت بە یەکەوە بکڕن و نرخەکەی کەمتریش دەکەوێت لەسەریان وەک ئەوەی بە جیا هەموو مۆڵەتەکان بکڕن. لەم ڕێگایەدا ویندۆزی Pro و Enterprise بەردەستن و تاکە ڕێگایە بۆ بەدەستهێنانی ویندۆزی Enterprise.
ئەی ڕێگە نایاسایی و باوەکانی ویندۆز کامانەن؟
Crack یەكێک لە ڕێگە باوەکانی بەدەستهێنانی ویندۆز لە کوردستان بریتیە لە بەکارهێنانی ویندۆزی کڕاککراو، کە یەکێکە لە ڕێگە نایاساییەکان بە تایبەت بۆ دامەزراوە و کۆمپانیاکان کە دەکرێ تووشی کێشەی زۆر گەورە ببنەوە. یان لە لایەنی سیکیوریتییەوە دەکرێت کێشەی گەورە بۆ بەکارهێنەرەکەی دروستبکات و هەندێک لە تایبەندمەندییەکانی کار ناکات. بۆ ئەوەی بزانیت بۆچی نابێت بەرهەمی کڕاککراو بەکاربهێنیت، ئەم وتارە بخوێنەوە.
OEM هەنێکجار ڕێگەی Original Equipment Manufacturer بە شێوەیەکی نایاسایی بەکاردەهێندرێت، هەندێک لە کۆمپانیاکانی ڕۆژهەڵاتی ناوەڕاست کە لاپتۆپ دروستدەکەن، ویندۆزەکە بە جیا دەفرۆشن وەک لە ئامێرەکە بۆ ئەوەی پارەیەکی زیاتر قازانج بکەن، بەڵام ئەمە نایاساییە چونکە نابێت ویندۆزی OEM بە جیا لە ئامێرە بنچینەییەکە بفرۆشرێت. ئەم جۆرە ویندۆزە لە بازاڕەکانی عێراق و کوردستاندا زۆرە.
Sticker یەکێکی تر لە ڕێگە نایاسایییەکان بریتییە لەبەدەستهێنانی License Key لەڕێگەی Sticker License Keyەوە کە بە جیاو بە شێوەیەکی نایاسایی درووست دەکرێن و لە دووکانەکانی بازاڕدا دەفرۆشرێت، کە ڕەنگە تا ماوەیەکی دیاریکراو ئیش بکات و پاشان لەکار بکەوێت، کۆمپانیای مایکرۆسۆفت بە هیچ شێوەیەک لەزگە درووست ناکات و نافرۆشێت بۆیە دەبێت خۆمانی لێ بە دوور بگرین.
خاڵێکی تر کە ئاماژەی پێبدەین ئەوەیە زۆر جار پێمان دەوترێ نرخەکانی ئێوە زۆرە و ویندۆزی ئەسڵی لە بازاڕ و وێبسایتەکانی تر بە ١٥ دۆلار دەستدەکەوێت. بەڕێزان پێویستە بزانن کە ئەو ویندۆزانە ئۆرجیناڵ نین و زۆربەیان پاش ماوەیەک کارکردن دەوەستن، بۆ دڵنیایی خۆتان دەتوانن سەیری وێبسایتی مایکرۆسۆفت بکەن و نرخەکان بەراورد بکەن ١٥ دۆلار لە کوێ و ١٩٠ دۆلار لە کوێ؟ چۆن بەرهەمێک کە خۆی بە ١٩٠ دۆلارە بە ١٥ دۆلار دەفرۆشرێت؟ مەگەر دزرابێت یان ئۆرجیناڵ نەبێت.
مایکرۆسۆفت هیچ شتێک بەناوی ویندۆزی ستیکەر نافرۆشێت یان بە شێوەی سی دی بەڵکو ئێستا هەموو کارەکان بە شێوەیەکی دیجیتاڵی و لە ڕێگەی ئیمەیڵەوە دەکرێت، بۆ ئەوەی دڵنیابن لەوەی ویندۆزی ئۆریجناڵ دەکڕن باشتر وایە پەیوەندی بکەن بە هاوبەشەکانی مایکرۆسۆفت کە ڕێگەپێدراون بۆ فرۆشتنی بەرهەمەکانی مایکرۆسۆفت نەک لە ڕێگەی دووکان و بازاڕە میلیەکانەوە بیکڕن.
تێبینی: نرخی ویندۆز لەلای هاوبەشەکانی مایکرۆسۆفت بە ڕێژەی %٥ بۆ %١٥ کەمترە لە سایتی فەرمی مایکرۆسۆفت بەپێی ژمارەی لایسنسی داواکراو.
