2022-06-14 - 09:20

پێویستە چی بزانیت لە کاتی کڕینی لاپتۆپدا؟

لە ئێستادا کۆمپانیای دێڵ باشترین و هەمەجۆرترین لاپتۆپەکان بەرهەمدەهێنێت لە جیهاندا، هەر لاپتۆپێکت بوێت تایبەت بە بوارەکەی خۆت دەتوانیت لە زنجیرەی لاپتۆپەکانی دێڵدا بیدۆزیتەوە. کەواتە با لاپتۆپەکانی دێڵ بناسین! لاتیتیود، ئێکس پی ئێس، ئینسپیرۆن، ڤۆسترۆ، پریسژن، کامیان بۆ تۆ گونجاوە؟

سەرەتا لە کاتی کڕینی لاپتۆپدا پێویستە ڕەچاوی کۆمەڵێک خاڵ بکەین:

1. 1- قەبارەی شاشە: لەوانەیە وابزانیت ئەمە خاڵێکی لاوەکییە بەڵام وەک ڕام و میمۆری دواتر ناتوانیت قەبارەی شاشەکەت بگۆڕیت بۆیە باشترە لە سەرەتاوە دانەیەکی گونجاو بۆ ئیشەکەت هەڵبژێریت، قەبارەی شاشە لە ١١.٦ ئینجەوە دەستپێدەکات بۆ ١٧.٣ ئینج.


2. 2- کوالێتی شاشە: بێگوومان ڕۆژانە چەندان کاتژمێر بە دیار شاشەی لاپتۆپەکەتەوە دادەنیشیت بۆیە وا باشترە کوالێتییەکی سروشتی هەبێت ئازار بە چاوت نەگەیەنێت. دواتر دەبێ بڕیار بدەیت ئایە شاشەیەکت دەوێ کە پشتگیری touchscreen بکات یان نا؟ دواتریش ڕوونی شاشەکە ئایە HD، Full HD، یان 2K و 4K بێت؟


3. 3- پڕۆسێسەر: دواتر پێویستە پڕۆسێسەرێک (CPU) بۆ لاپتۆپەکەت هەڵبژێریت، لێرە پێویستە ڕەچاوی کلۆک سپید و کاش (Cache) و ژمارەی ناوکەکانی (CORE) پڕۆسێسەرەکە بکەین، ئایە ئینتڵ بێت یان ئەی ئێم دی؟
   ئینتڵ/Intel: ناوی پڕۆسێسەرەکانی ئینتڵ بە براند دەستپێدەکات و براندە باوەکانیش ئەمانەن: Intel Core, Intel Pentium, Intel Celeron. براندی ئینتڵ کۆر ئاستی باشتر و تایبەتمەندی باشتر لە خۆدەگرێت لە کاتێکدا پێنتیوم و سیلیرۆن بۆ ئەو کەسانەیە کە بودجەیەکی سنوورداریان هەیە و تایبەتمەندی کەمترە. هەروەها Intel Xeonمان هەیە کە دەکرێ تایبەتمەندییەکانی بە پێی پێویست بگۆڕێت و بۆ کەسانەیە کە پێویستیان بە ئاست و خێراییەکی زۆر بەرز هەیە و بۆ سێرڤەر و ۆڕکستەیشن بەکاردێت.

• زنجیرەی پڕۆسێسەر: لە براندی ئینڵ کۆردا زنجیرەی پرۆسێسەرمان هەیە کە بریتین i3، i5، i7، i9 وە تا ژمارەکە بەرزتربێت واتە توانای زیاترە و هەندێ کات تایبەتمەندی زیاتریشی هەیە وەک: Intel Hyper-Threading Technology.
کۆرئای ٣: بۆ بەکارهێنانی ڕۆژانەی ماڵەوە گونجاوە وەک گەڕانی ئینتەرنێت و سەیرکردنی ڤیدیۆ.
کۆرئای ٥: گونجاوە بۆ ئەرکە ڕۆتینییەکان وەک دروستکردنی دۆکیومێنت و بەرنامە جیاوازەکان وەک مایکرۆسۆفت ئۆفیس، لەگەڵی توانای یاریپێکردنی کەم.
کۆرئای ٧: بۆ بەکارهێنانێکی ئاستبەرز لە ئیش و لە ماڵەوە، یارپێکردن لە ئاستێکی بەرزدا، ئیدتکردنی ڤیدیۆ و دروستکردن و گەشەپێدانی بەرهەمە جیاوازەکان.
کۆرئای ٩: ئاستبەرزترین پڕۆسێسەری ئینتڵ بۆ یارپێکردنی زۆر ئاستبەرز و دورستکردن و بەرهەمهێنانی ئەو بەرهەمانەی توانایەکی زۆریان دەوێت.


• نەوەی پڕۆسێسەر: یەکەم ژمارە بریتیە لە نەوەی پڕۆسێسەرەکە کە تا بەرزتر بێت واتە نەوەیەکی تازەترە، بەڵام لە نەوەی ١٠ و ١١ تۆزێ جیاوازە و مۆدێلەکە دەبێت بە ٥ ژمارە و ژمارەی یەکەم و دووەم بریتییە لە نەوەی پڕۆسێسەرەکە واتە ٩٨٠٠ بریتیە لە نەوەی ٩ هەروەها ٨٨٠٠ بریتیە لە نەوەی ٨ وە ١١٨٠٠ بریتیە لە نەوەی ١١ و ١٠٨٠٠ بریتییە لە نەوەی ١٠. لە نەوەی ١٠ و ١١ ئەگەر لە مۆدێلەکەدا پیتی G هەبوو واتە ئەو پڕۆسێسەرە تەکنەلۆژیای گرافیکی نوێ لە خۆدەگرێت. نەوەی ١١ دواین نەوەی پڕۆسێسەرەکانی ئینتڵە.
  وە لە زنجیرەی پێنتیۆمدا سلڤەر و گۆڵدمان هەیە، لە سلڤەردا پیتێکی پێشگر و چوار ژمارەمان هەیە بەڵام لە گۆڵددا چوار ژمارە و پیتێکی پاشگرمان هەیە. جۆری گۆڵدەکەی ئاست و توانایەکی باشتریان هەیە و جۆری سلڤەر نرخی هەرزانترە.
  هەروەها لە زنجیرەی سیلیرۆندا دوو جۆر ناونانمان هەیە، یەکێکیان سێ ژمارەی بێ پێشگر و پاشگر، جۆرەکەی تریان چوار ژمارە و پاشگرێک بە دواییدا.


• ژمارەی SKU: لە زۆربەی پڕۆسێسەرەکانی ئینتڵدا کۆتا سێ ژمارە بریتیە لە ژمارەی SKU کە بریتیە لە ژمارەیەکی بێهاوتا کە براند و جۆر و ڕەنگ و قەبارەی بەرهەمێک دیاری دەکات. هەرچەندە تا ژمارەکە بەرزتر بێت واتای تایبەتمەندی زیاترە بەڵام وا باشترە ئەم ژمارەیە بۆ بەراوردکردنی ئاست و توانای نێوان پڕۆسێسەرەکان بەکارنەهێندرێت.


• پاشگری زنجیرەی پڕۆسێسەرەکە: پاشگر یەکێکی ترە لەو خاڵانەی بەکاردەهێندرێت بۆ ناسینەوەی تواناکانی پڕۆسێسەرێک و هەر یەکێکیان واتایەکی جیاوازی هەیە.
  G1-G7 بریتیە لە ئاستی گرافیک (تەکنەلۆژیای گرافیکی نوێ لە خۆدەگرێت).
  E واتە ئیمبێدد و ئەم پڕۆسێسەرە بۆ کۆمەڵی ئامێری جیاواز بەکاردێت.
  F واتە پێویستی بە Discrete Graphics هەیە، دیسکریت گرافیک واتە پڕۆسێسەرێک کە GPUەکەی جیایە لە پڕۆسێسەرەکە.
  G واتە پاکێجەکە خۆی دیسکریت گرافیکی لەگەڵدایە.
  H تایبەتە بە بەکارهێنانی ئاست بەرز.
  HK تایبەتە بە بەکارهێنانی ئاست بەرز و قفڵیش نەکراوە واتە دەتوانیت خۆت دەستکاری ڕێکخستنەکانی چۆنیەتی بەکارهێنانی بکەیت.
  HQ تایبەتە بە بەکارهێنانی ئاست بەرز و جۆری کوادکۆرە.
  K واتە قفڵ نەکراوە.
  S واتە بەرهەمێکی تایبەت.
  T واتە وزەیەکی کەمتر بەکاردەهێنێت.
  U واتە وزەیەکی زۆر کەم بەکاردێنێت.
  Y واتە وزەیەکی زۆر زۆر کەم بەکاردێنێت.
  X/XE واتە قفڵنەکراوە و بەرزترین ئاستی هەیە و باشترین بەرهەمە.

بۆ زانیاری زیاتر لە بارەی ناونانی پڕۆسێسەرەکانی ئینتڵەوە ئەم بڵۆگە بخوێننەوە

ئەی ئێم دی: پڕۆسێسەرەکانی ئەی ئێم دی بە گشتی دوو براندمان هەیە کە بریتین لە ڕایزن و زنجیرەی A. زنجیرەی ئەی لە سێ خێزانی بچووکتر پێکدێت و دەکرێت بۆ بەکارهێنانێکی ئاسایی ڕۆژانە بەکاربهێندرێت وەک گەڕانی ئینتەرنێت و سەیرکردنی ڤیدیۆ و چالاکییە ئاساییەکانی تر.

• زنجیرەی پڕۆسێسەر: ژمارەی یەکەم بریتییە لە زنجیرەی پڕۆسێسەرەکە و زۆربەی جار ٣، ٥، ٧، یان ٩یە. بۆ خێزانی ڕایزن دەتوانیت بڵێین هاوشێوەی کۆر ئای ئینتڵن، پێکدێن لە ٤ زنجیرە کە بریتین لە ڕایزن ٣، ڕایزن ٥، ڕایزن ٧، ڕایزن ٩ و هەروەها دەتوانین بڵێین بەکارهێنانەکانیشیان هەر هاوشێوەی کۆرئای ٣ و ٥ و ٧ و ٩ن بەڵام کەمێک ئاستیان نزمترە. هەروەها ڕایزن Threadrippersمان هەیە کە پڕۆسێسەرێکی فرەناوک و ئاستبەرزە، دیزاینکراوە بۆ کارپێکردنی ئەو بەرنامانەی کە هەژمارکاری زۆریان تێدایە و پڕۆسێسەری ئاسایی توانای ئەنجامدانی نییە.



• نەوەی پڕۆسێسەر: ژمارەی دووەم بریتیە لە نەوەی پڕۆسێسەرەکە و تا بەرزتر بێت واتە نەوەیەکی بەرزترە. نەوەی ٥ نوێتریین نەوەی پڕۆسێسەرەکانی ئەی ئێم دییە.


• ئاستی پڕۆسێسەر: ژمارەی سێیەم بریتیە لە ئاستی پڕۆسێسەرەکە و تا ژمارەکە بەرزتر بێت واتە توانای پڕۆسێسەرەکە زیاترە.



• ژمارەی SKU: بریتیە لە ژمارەیەکی بێهاوتا کە براند و جۆر و ڕەنگ و قەبارەی بەرهەمێک دیاری دەکات. هەرچەندە تا ژمارەکە بەرزتر بێت واتای تایبەتمەندی زیاترە بەڵام وا باشترە ئەم ژمارەیە بۆ بەراوردکردنی ئاست و توانای نێوان پڕۆسێسەرەکان بەکارنەهێندرێت.



• پاشگری زنجیرەی پڕۆسێسەرەکە: پاشگر یەکێکی ترە لەو خاڵانەی بەکاردەهێندرێت بۆ ناسینەوەی تواناکانی پڕۆسێسەرێک و هەر یەکێکیان واتایەکی جیاوازی هەیە.
  G واتە ئەم پڕۆسێسەرەکە گرافیک کاردی  AMD Radeon RX Vegaی لەسەرە.
  X بۆ بەکارهێنانی زۆر ئاستبەرز گونجاوە.
  U واتە وزەیەکی زۆر کەم بەکاردێنێت.
  H واتە بۆ بەکارهێنانێکی زۆر ئاستبەرز گونجاوە.
  وە ئەگەر مۆدێلەکە بێ پاشگر بوو واتە پڕۆسێسەری دیسکتۆپە.

1. 4- ڕام (بیرگەی کاتی): ڕامەکەت دیاریدەکات کە دەتوانیت لە یەک کاتدا ئیش بە چەند بەرنامە بکەیت.
   
   • ٤-٨ گێگا ڕام: بۆ بەکارهێنانی ئاسایی ڕۆژانە وەک گەڕانی ئینتەرنێت و ئیشپێکردنی ڤیدیۆ و بەکارهێنانی بەرنامەکانی ئۆفیس.
   
   
   • ٨-١٦ گێگا ڕام: بۆ داتابەیسی گەورە و کارپێکردنی بەرنامەکانی ئیدتکردنی ڤیدیۆ و وێنە.
   
   
   • بە لایەنی کەمەوە ١٦ گێگا ڕام: بۆ ئاستێكی فرەکار و سەرنجڕاکێش، بۆ کارپێکردنی بەرنامەکانی 3D و یاریە ئاست بەرزەکان.
2. 5- بیرگە (Storage): بەکاردێت بۆ هەڵگرتن و زەخیرەکردنی فایلەکانت، دەبێ بە پێی پێویستی خۆت دانەیەک هەڵبژێریت و هەروەها ڕەچاوی جۆرەکەش بکەیت کە ئایە SSD بێت یان HDD یانیش NVME بێت؟
   
   • HDD: نرخی هەرزانە و بەڵام لە چاو دوو جۆرەکەی تردا خاوترە.
   
   
   • SSD: نرخی گرانترە لە چاو HDD و بەڵام خێراییەکەی زیاترە.
   
   
   • NVME: خێراییەکەی زۆر زیاترە لەو دوانەی تر بەڵام لە هەمان کاتدا نرخیشی زیاترە.

ئێستاش با بێینە سەر ناساندنی زنجیرە خێزانی لاپتۆپەکانی دێڵ: خاڵێک کە سەرەتا ئاماژەی پێ بدەین ئەوەیە کە هەمیشە باشترین لاپتۆپ گونجاوترین لاپتۆپ نییە واتە پێویستە بە پێی کار و پێویستییەکەی خۆت لاپتۆپ هەڵبژێریت.

خێزانی ئێکس پی ئێس/XPS
زنجیرەی ئێکس پی ئێس باشترین لاپتۆپی ئاستبەرزە بۆ کەسانی پرۆفیشناڵ و هەم بۆ کەسانی ئاسایی کە دەیانەوێت لە سەر باشترین لاپتۆپەکان کار بکەن هەم لە ڕووی دیزاین و هەم لە ڕووی ئاست و تواناوە. بێگوومان کوالێتی و ڕوونی و ڕەنگی دەوڵەمەند خاڵە جیاکەرەوەکانی تری لاپتۆپەکانی ئێکس پی ئێسن.
زنجیرەی ئێکس پی ئێس پێکدێت لە XPS 13، XPS 15، XPS 17 کە ئێکس پی ئێسی ١٣ بچووکترینیانە لە ڕووی قەبارەی ڕوونماوە بە ١٣ ئینج و ئێکس پی ئێسی ١٧ گەورەترینیانە بە ١٧ ئینج وە نوێترین نەوەیە لە زنجیرەی لاپتۆپەکانی ئێکس پی ئێسدا.

ئەم بەرهەمە بۆ کێیە؟

• بۆ ئەو کەسانەی بەکارهێنەری ئەپڵن و بە دوای جێگرەوەدا دەگەڕێن.
• بۆ ئەو کەسانەی لە بەشی فرۆشتن کار دەکەن.
• بۆ خاوەن بزنسەکان.
• بۆ ئەو کەسانەی کۆنتێنتی دیجیتاڵی بەرهەمدەهێنن، ڤیدیۆ، وێنە، دەنگ.

خێزانی لاتیتیود/Latitude
زنجیرەی لاتیتیود تایبەت بە بزنس دروستکراوە بە ڕەچاوکردنی ئاست و توانا و لایەنی سیکیوریتی، خێزانی لاتیتیود پێکدێت لە چوار زنجیرە، ٣٠٠٠، ٥٠٠٠، ٧٠٠٠، لەگەڵ ٩٠٠٠ کە نوێترینیانە. لاپتۆپەکانی لاتیتیود ڕوونماکەیان بە قەبارەی ١٣ و ١٤ و ١٥ ئینج بەردەستن.

ئەم بەرهەمە بۆ کێیە؟

• بە گشتی بۆ ئەو کەسانەی لە بواری بزنسدا کاردەکەن.
• بۆ ئەو کەسانەی لە بەشی ژمێریاری و بەشە کارگێڕییەکان کار دەکەن.
• بۆ ئەو کەسانەی لە گرووپ و کاری بەکۆمەڵدا کار دەکەن.

هەر لە خێزانی لاتیتیودا کۆمەڵێك لاپتۆپی بەهێزمان هەیە کە بۆ ئەوە دیزاینکراون، کە بەرگەی ژینگەی سەخت و مەیدانی بگرن. بە تایبەت پلەی گەرمی بەرز یان نزم، شێ و تەڕبوون، تۆز و خۆڵ، تیشکی خۆر و دژە فیشەک. شاشەکانیان ڕوونیەکی تایبەتی هەیە کە تیشکی خۆر کاری لێنەکات.

ئەم بەرهەمە بۆ کێیە؟

• بۆ کارگە و شوێنی بەرهەمهێنان، کۆمپانیاکانی نەوت و گاز.
• ئەو دامەزراوانەی لە بواری مەیدانیدا کار دەکەن.
• حکومەت و کۆمپانیا پیشەسازییەکان.

خێزانی ڤۆسترۆ/Vostro

خێزانی ڤۆسترۆ دیزاینکراوە بە لەبەرچاوگرتنی پێویستییەکانی بزنسێکی بچووک. هەروەها لایەنی سیکیوریتیی و ئامڕازە بنچینەییانی تێدا بەردەستخراوە، خێزانی ڤۆسترۆ پێکدێت لە سێ زنجیرە، ٣٠٠٠، ٥٠٠٠، ٧٠٠٠. لاپتۆپەکانی ڤۆسترۆ ڕوونماکەیان بە قەبارەی ١٣ و ١٤ و ١٥ و ١٦ ئینج بەردەستن.

ئەم بەرهەمە بۆ کێیە؟

• بۆ خاوەن بزنسە بچووکەکان کە تیمی ئای تییان نییە.
• بۆ ئەوانەی هەم ستایلێکی جوان و هەم خزمەتگوزارییە بنچینییەکانیان دەوێ.

خێزانی ئینسپیرۆن/Inspiron
خێزانی ئینستپیرۆن دیزاینکراوە بە لەبەرچاوگرتنی پێویستییە ڕۆتینی و ڕۆژانەیییەکان. بەوە ناسراون کە کێشیان سووکە و پاترییەکانیان بەرگەی زۆر دەگرێت، خێزانی ئینسپیرۆن پێکدێت لە چوار زنجیرە، کە بریتین لە ئینسپیرۆنی ١٣ و ١٤ و ١٥ و ١٦. هەروەها لاپتۆپەکانی ئینسپیرۆن ڕوونماکەیان بە قەبارەی ١٤ و ١٥ و ١٦ ئینج بەردەستە.

ئەم بەرهەمە بۆ کێیە؟

• بۆ ئەنجامدانی ئەرکە ڕۆژانەیی و ڕۆتینییەکان.
• بۆ ئەوانەی هەم ستایلێکی جوان و هەم خزمەتگوزارییە بنچینییەکانیان دەوێ.

خێزانی پریسژن/Precision
لەگەڵ خێزانی پریسژن بە شێوەیەکی پڕۆفیشناڵ ئەرکەکانت ڕاپەڕێنە. ۆرکستەیشنەکانی پریسژن بەهێزترین و باشترینن بە لەبەرچاوگرتنی ئاست و توانای کارکردن دیزاینکراون. خێزانی پریسژن پێکدێت لە سێ زنجیرە، کە بریتین لە پریسژنی ٣٠٠٠ و ٥٠٠٠ و ٧٠٠٠. هەروەها ۆرکستەیشنەکانی پریسژن ڕوونماکەیان بە قەبارەی ١٤ و ١٥ و ١٧ ئینج بەردەستە.

ئەم بەرهەمە بۆ کێیە؟

• بۆ ئەندازیار و شیکەرەوە داراییەکان.
• بۆ ئەو کەسانەی کاری 3D و 2D دەکەن.
• بۆ ئەو کەسانەی ئیکزڵ و پاوەرپۆینت و ئەکسس بەکاردێنن لەگەڵ داتایەکی زۆر و ئاستێکی بەرزدا.
• بۆ ئەو بەکارهێنەرانەی بە دوای جێگرەوەی ماکبووک پڕۆ و ئێچ پی زی بووکدا دەگەڕێن.

کۆمپانیای ئاڤێستا پاڕتنەری فەڕمی کۆمپانیای دێڵە لە ئێراق و دەتوانێت هەموو بەرهەمەکانی دابینبکات بۆتان، دەتوانن بۆ دابینکردنی هاردوێری بزنس و دامەزراوەکانتان پەیوەندیمان پێوە بکەن.