2022-01-12 - 09:37

پێویستە چی بزانیت لە کاتی کڕینی سێرڤەردا؟

کۆمپانیای دێڵ(Dell) کۆمەڵێک جۆری جیاواز لە سێرڤەر بەرهەم دەهێنێت، کە هەر یەکەیان دەکرێت بە پێی پێویستی و داواکارییەکانی تۆ ڕێکبخرێن، کۆمپانیای ئاڤێستا سەرجەم سێرڤەرەکانی دێڵ دابین دەکات و ستافی شارەزای هەیە لەو بوارەدا کە دەتوانن پێشنیاری سێرڤەری گونجاوت بۆ بکەن تایبەت بە کارەکەت.

سێرڤەر چییە؟
بە سادەیی سێرڤەر بریتییە لە کۆمپیوتەرێکی بەهێز لە ڕووی تواناوە کە خزمەت بە کۆمەڵێک کۆمپیوتەری تر دەکات، وا دیزاین کراوە کە زانیاری و بەرنامە و داتا بگەیەنێت بەو کۆمپیوتەرانەی لە ڕێگەی نێتۆڕکێکەوە پێوەی بەستراون.

بۆچی من پێویستم بە سێرڤەر هەیە؟

• ئایە تۆ دوو کۆمپیوتەر یان زیاترت هەیە لە بزنسەکەتدا؟ کەواتە بە زەخیرەکردن و ڕێکخستنەوەی داتاکانت لە یەک شوێندا دەتوانیت بە ئاسانی دەستتبگات پێیان و هاوبەشیان پێ بکەیت لە نێوان بەکارهێنەرەکاندا، ئەمەش وادەکات بە شێوەیەیەکی کارامەتر و باشتر بزنسەکەت بەڕێوە بەریت.
• هەندێ لە کارمەندەکانت دووراودوور(Remote) ئیش دەکەن؟ لەوانەیە هەندێ لە کارمەندەکانت لە ماڵەوە ئیش بکەن یان بەردەوام لە گەشتکردندا بن، کەواتە بە دڵنیایی پێویستت بە سێرڤەرێکە بۆ ئەوەی ئەم کارمەندانە بتوانن بە دووراودوور پەیوەست ببن بە نێتۆڕکی کۆمپانیاکەتەوە و لە هەر کوێیەک بوون بتوانن کاری خۆیان بکەن.
• ئایە بە لاتەوە ئاساییە داتاکانت لەدەست بدەیت؟ هەبوونی سێرڤەرێک یارمەتیتدەدات داتاکانت لە یەک شوێندا ڕێکبخەیتەوە و بیانپارێزیت لە ونبوون و خراپبوون و دزران و ڕەشبوونەوە، بە باکئەپکردنی سێرڤەرەکەت و دانانی سیستەمی ڕیکۆڤەری بۆی دەتوانیت ڕێگە لە هەموو ئەمانە بگریت بە ئاسانی.
• وێبسایتێکت هەیە و پێویستە هۆستی بکەیت؟ سێرڤەر ئەمەشت بۆ ئاسان دەکات و ڕێگەت پێ دەدات کە بە ئاسانی وێبسایتەکەت گەشەپێبدەیت و بە شێوەیەکی کارامە بەڕێوەی بەریت.
• کارمەندەکانت پێویستە بەردەوام فایل و بەڵگەنامەکان چاپ بکەن؟ سێرڤەر وادەکات هەموو ئۆفیسەکەت بتوانن پەیوەست بن بە پرینتەر و ئامێری فاکسەوە و بە ئاسانی بتوانن فایلەکانیان چاپ بکەن.

لە کاتی كڕینی سێرڤەردا پێویستە ڕەچاوی سێ شت بکەیت:

• جۆری سێرڤەرەکە: تاوەر و ڕاک و بلەید
• ڕێکخستنی هاردوێرەکەی
• سۆفتوێرێک بۆ سێرڤەرەکەت

پێویستم بە کام جۆری سێرڤەر هەیە؟
پێویستە بزانیت کە ئەو سێرڤەرە چی جۆرە بەرنامەیەکی لەسەر ئیش پێ دەکەیت؟ چەند بەکارهێنەری دەبێت؟ ئیشە سادەکانی وەک چاپکردن و هاوبەشی پێکردنی بەڵگەنامەکان لە نێوان بەکارهێنەراندا لەوانەیە پێویستی بە یەک سێرڤەری سادەی تێچوو هەرزان بێت، بەڵام کارەکانی وەک هۆستکردنی داتابەیسی گەورە و زەخیرەکردنی وێنە پێویستی بە سێرڤەرێکە کە توانایەکی پڕۆسێسکردنی زیاتری هەبێت لەگەڵ کۆمەڵێک هارددیسکی خێرادا.

سێرڤەری تاوەر: یەکێکە لە سادەترین سێرڤەرەکان، تێچوو و قەبارەکەی هەر بە قەت کۆمپیوتەرێکی دیسکتۆپە و بە شێوەی ستوونی لەسەر مێز دادەنرێت. بە هۆی بچووکی قەبارەیەوە شوێنێکی کەم دەگرێت لە ئۆفیسەکەتدا. بۆ کاری بچووک و مامناوەند باشە بە تایبەتی گەر پێوستت بە تەنها چەند سێرڤەرێکی کەم بوو و کارەکەت واپیویست بکات ڕاک دانەنێیت.
کۆمپانیای دێڵ بۆ ئەم جۆرەی سێرڤەر چەند مۆدێلێكی هەیە و نەوەی ١٥ نوێتریین سێرڤەرەکانی کۆمپانیای دێڵن:
نەوەی ١٥:  T150, T350, T450
نەوەی ١٤: T40, T140, T340, T440, T640
نەوەی ١٣: T30, T130, T330, T430, T630

سێرڤەری ڕاک: ئەم جۆرە سێرڤەرانە بە شێوەی ئاسۆیی دروستکراوە و دەخرێتە ناو ڕاکەوە بۆ پارێزگاری کردنی لە خۆڵ و تەپوتۆز، وە بۆ پارێزگاری کردنی لە دەستکاری کەسانی ڕیگەپێنەدراو چونکە دەکرێت ڕاکەکە دابخرێت بە کلیل. هەروەها شوێنێکی کەمتر دەگرێت و گەر چەند سێرڤەرێکت هەبوو دەکرێت لەسەر یەک دابنرێن. ئەم سێرڤەرانە بۆ کاری بچوک مامناوەند و گەورە بەکاردێن بەپێی مۆدێل و تایبەتمەندیەکانی.
مۆدێلەکانی کۆمپانیای دێڵ بۆ سێڤەری ڕاک:
نەوەی ١٥: R250, R350, R450, R550, R650, R650xs, R6515, R6525, R750, R750xa, R750xs, R7515, R7525
نەوەی ١٤: R240، R340، R440، R540، R640، R6415، R740، R740xd، R740xd2، R7415، R7425، R840، R940، R940xa
نەوەی ١٣: R230، R330، R430، R530، R530xd، R630، R730، R730xd، R830، R930

سێرڤەری بلەید(یان مۆدیولەر): ئەم جۆرە سێرڤەرە بریتیە لە کۆمەڵێک سێرڤەری قەبارە بچووک لەناو یەک بۆکسدا بەشێوەیەک کە بتوانی هەموو سێرڤەرەکان پێکەوە بەڕێوەبەریت. ئەم جۆرە سێرڤەرانە بۆ پڕۆژەی گەورە باشە کاتێک وا پێویست دەکات ژمارەیەکی زۆر سێرڤەر بەکاربهێنیت بە تایبەتی گەر بتەوێت کڵاودێکی ناوخۆیی دروست بکەی. سێرڤەری بلەید واتە پڕۆسێسکردنێکی زیاتر، قەبارەی کەمتر، وزەی کەمتر، خەرجکردنی پارەی کەمتر لە بەڕێوەبردنیدا.
لە مۆدێلەکانی کۆمپانیای دێڵ بۆ ئەم جۆرە سێرڤەرە:
نەوەی ١٥: MX750c
نەوەی ١٤: FC640، M640، M640، MX7000، MX740c، MX840c، MX5016s
نەوەی ١٣: FC430، FC630، FC830، FD332، FM120، M630، M630، M830، M830

ناسین و لەیەکجیاکردنەوەی سێرڤەرەکانی کۆمپانیای دێڵ:
هەموو سێرڤەرەکانی کۆمپانیای دێڵ پێیان دەوترێت (PowerEdge) ئەمە سیاسەتی ناونانی کۆمپانیاکەیە، وە هەروەها ستۆرەیجی دێڵ پێیان دەوترێ (PowerVault) و سویچەکانیش (PowerConnect) پێ دەوترێ. کەواتە زنجیرەی سێرڤەرەکانی دێڵ پاوەرئێدجە، ئەی مۆدێلەکانی چۆن جیا بکەینەوە؟

مۆدێلی سێ ڕەنووسی: بۆ نموونە T550

• پیتی سەرەتا جۆری سێرڤەرەکەیە. T واتە تاوەر، R واتە ڕاک، M یان MX واتە بلەید یان مۆدیولەر، C جۆرێکی تایبەتی بلەیدە تایبەت بە هەژمارکردن (compute optimized) ، F واتە فلێکسبڵە و بە ئارەزووی خۆت دەتوانی کەم و زیادی بکەی، XE بۆ کاری قورس کە پێویستی بە ستۆرجی زۆر پێفۆرمانسێکی زۆر باش هەیە، XR تایبەتە بە دامەزراوە پیشەسازییەکان بۆ ئەوەی دروستکراوە بەرگەی ژینگەی زۆر سەخت بگرێت.
• ژمارەی یەکەم بریتیە لە ژمارەی سۆکێتەکانی سێرڤەرەکە، لە ١-٣ واتە یەک سۆکێتە، لە ٤-٧ واتە دوو سۆکێتە، ٨ ئەکرێ دوو یان چوار سۆکێت بێت، ٩ واتە ٤ سۆکێتە.
• ژمارەی دووەم بریتیە لە نەوەی سێرڤەرەکە، ٠ بریتیە لە نەوەی دەیەم، ١ بریتیە لە نەوەی ١١، ٢ بریتیە لە نەوەی ١٢، هتد.
• ژمارەی سێیەم بریتیە لە پڕۆسێسەری سێرڤەرەکە ئەگەر ٠ بوو واتە ئینتڵە و ئەگەر ٥ بوو واتە پڕۆسێسەرەکەی ئەی ئێم دییە.

   

مۆدێلی چوار ڕەنووسی: بۆ نموونە R7515

• پیتی سەرەتا واتە جۆری سێرڤەرەکەیە، پیتەکان هەمان مانای مۆدێلی سێ ڕەنووسییان هەیە.
• ژمارەی یەکەم بریتیە لە کڵاسی سیستەمەکە، لە ١-٥ واتە کڵاسەکەی بریتییە لە iDRAC Basic، لە ٦-٩ بریتیە لە iDRAC Express.
• ژمارەی دووەم بریتیە لە نەوەی سێرڤەرەکە، ٠ بریتیە لە نەوەی دەیەم، ١ بریتیە لە نەوەی ١١، ٢ بریتیە لە نەوەی ١٢، هتد.
• ژمارەی سێیەم بریتیە لە ژمارەی سۆکێتەکانی سێرڤەرەکە، ١ واتە یەک سۆکێتە، ٢ واتە دوو سۆکێتە.
• ژمارەی چوارەم بریتیە لە پڕۆسێسەری سێرڤەرەکە ئەگەر ٠ بوو واتە ئینتڵە و ئەگەر ٥ بوو واتە پڕۆسێسەرەکەی ئەی ئێم دییە.

 

دوای ئەوەی دێینە سەر ڕێکخستنی هاردوێری سێرڤەرەکە کە یەکێکە لە گرنگتریین بەشەکان و بە تەواوی کاریگەری لەسەر ئاست و ئادای سێرڤەرەکە هەیە.

• یەکەم شت پێویستە "هەیکەل/Chassis"ی سێرڤەرەکە هەڵبژێرین، کە چەند جۆرێکی جیاوازی هەیە، شوێنی چەند هارد درایڤی هەبێت؟ Raidی هەبێت یان نا؟ بە پێی ئیش و پێویستییەکەی خۆت پێویستە دانەیەک هەڵبژێریت.
• دێینە سەر تەختەی دایک/Motherboard یەكێک لە گرنگترین بەشەکان، یەکەم شت لێرە کە پێویستە دیاری بکەین بریتیە لەوەی ئەم سێرڤەرە چەند سۆکێتی هەیە، ئەمە زۆر گرنگە چونکە چەند سۆکێتی هەبێت دەتوانیت ئەوەندە پڕۆسێسەر بۆ ئەو سێرڤەرە دابنێیت.
• پاشان لە پڕۆسێسەردا پێویستە ڕەچاوی ئەوە بکەین کە ئەم پڕۆسێسەرە چەند کۆڕە، خێراییەکەی چەندە؟ کاشەکەی چەندە؟ کڵۆک سپیدەکەی چەندە؟
• دواتر دەبێت بە پێی پێویستی خۆمان ڕامێک بۆ سێرڤەرەکە هەڵبژێرین.
• دواتر پێویستە "بیرگە/Hard disk"یەک بۆ سێرڤەرەکەمان هەڵبژێرین، ئایە SSD بێت یان HDD یانیش NVME بێت؟
• لەوانەیە پێویست بکات ڕەچاوی جۆری "وەیار/Power cord"ەکەش بکەیت، وە ئەوەی کە چەند وزەی کارەبای پێویستە؟

خاڵێکی تر کە لەوانەیە گوێبیستی بین ئەوەیە کە ئەم سێرڤەرە 2U دوو یووە، ئەمە مانای چییە؟ U پێوانەی بەرزی سێرڤەرەکەیە ئەمەش دەکرێت ١ یان ٢ یان ٣ یان ٤ U بێت.

دواتر پێویستە سیستەمێکی وەگەڕخەریش بۆ سێرڤەرەکە هەڵبژێرین و لێرەدا چەند بژاردەیەکمان هەیە  وەک Windows Server یان VMware ESXi یان Red Hat Enterprise Linux یان Suse Linux Enterprise.

کۆمپانیای ئاڤێستا پاڕتنەری فەڕمی کۆمپانیای دێڵە لە ئێراق و دەتوانێت هەموو بەرهەمەکانی دابینبکات بۆتان و لەگەڵ ستافە شارەزاکانماندا باشتریین و گونجاوتریین سێرڤەر بۆ ئیش و پێویستییەکەی ئێوە پێشنیار دەکەین.